مخاطبه زینب س لاخیها الحسین ع وابالفضل العباس ع
ابنزاع الگوم مانبدی ولانهد
ولجل الدین مانرکن ولانهد
ابعزمکم ما رگد حیلی ولانهد
یهد حیلی امن اشوفنکم رمیه
الشاعرمهدی الامغیطی
تورّثنّه من الخاتم علمنه
وبگه مرفوع ماینکس علمنه
البچی والنوح والحسره علمنه
الصطرهه ابن الرجس وابن الدعیه
الشاعرمهدی الامغیطی
گضیت اسنینی بس انطروعدلک
ثوانی وحسبّت توفی وعدلک
احضنک چنت من تعثر وعدلک
ولانی امحسّب امن اتخون بیه
الشاعرهادی الامغیطی
وحگ الی ابهواک ابهم بلانه
دمع من دم کثرماصب بلانه
هوانه الی افگدت بسمه بلانه
الشفت من حبک انواع العذاب
الشاعرهادی الامغیطی
یهل مبعد صرت عنی هلانه
ودمع من دم الک جفنی هلانه
اسنین العاشرک تدری هلانه
چنت لو چن نسیت ابدون اسباب
الشاعرحسن المگطوفی
تذوب الروح بفراگک درتهم
واعیونی دمع من دم درتهم
درب الشوگ لگلیبی درتهم
اجیت وکثّرت همی علیه
الشاعرمحمدمطرمقدم
هدمنی الدهر بهمومی شیبنی
وذا من الزغر ظیمی شیبنی
احب اگصد انه الحیکم شیبنی
اشوفک وانسه الام العلیه
الشاعرمحمدمطرمقدم
هنیاله کلمن لوصبح جارک یخی ودنّه
رغم المسافه والبعد زاد وکثر ودنّه
یطیور سعدی للمحب یالله ابعجل ودنّه
مو هل گلب دون الولف خاوی ویظل متهاوی
الشاعرهادی المغیطی
مل منی صبری اعتقد موش الصبر ملیته
وما ملانی هل حزن حزنی ابحزن ملیته
ولفی الترکنی وما یمر لو ما یمر ملیته
لا طاب اله ذوق الهوا وحتی نسیم اشتاوی
الشاعرهادی الامغیطی
مسرع بهلنه اتسر لمن ما تنتظر یابلهه
روحی حزینه و مولمه وبس الهظم یابلهه
تدری ابجفاهم هم قهردهری واذه یابلهه
ویابلهه جور اویازجر ظیم ومحن وبلاوی
الشاعرهادی الامغیطی
روحی الما کلت فدیوم منّی
لحمهه ولا طرت علناس منّی
عجب مدری تبرت لیش منّی
اخوتی وعافو اعزومی اببلیه
الشاعرهادی الامغیطی
اظن صار الگلب عگبک علابی
ورچیچ اجناحی متمکن علابی
ارید اشتم وسب دایم علابی
الجعل من عدنه کل واحد نویه
الشاعرهادی الامغیطی
اخذ دلالی حبهم ذابحینه
وشفت امرار دهری ذابَحینه
لان الگیته غدراً ذابحینه
ابمشانگهم سوا ایمثلون بیه
الشاعرهادی الامغیطی
تحیت حب یگلبی الهُم بعثناک
ابمرارک وابنزف دمک بعثناک
تدری اثناک اجانی الهِم بعثناک
العمر طش وخذت روحی المنیه
الشاعرهادی الامغیطی
یحِدای الظعون احدو ودونه
الحبیبی الغیره ماعیشن ودونه
مرار الحب ظگت مره ودونه
ظگت علریج سکرات المنیه
الشاعرهادی الامغیطی
شهدچن یاجروح اهدن شعرچن
چنت وابجلدی ساترچن شعرچن
علی ثرتن ابثوره اسمع شعرچن
نعیش احرار نرهم غیر اذیه
الشاعرامین ناحی زاده
یخلی لو رحت عنی شجابیک
الی والگلب بخلافک شجابیک
ابعشرتی اویاک متگلی شجابیک
عفتنی وعرفتنی اعله الاذیه
الشاعرامین ناحی زاده
اعله حبهم گلبی لو رادو بقدمه
واخلی الحاقد ایعثور بقدمه
الیضدهم هم دریت المن بقدمه
ابوهم بالعلم حایز هویه
الشاعرعلی قاسم البدوی
هلی ساعدهم الکسّر گدالهم
هلی وکل ثوب الامفاخر گدالهم
هلی واحدهم ابسیفه گدالهم
جیش امن العده وکت الحراب
الشاعرهادی الامغیطی
بس گلب الاسد بل حرب مارف
یخوض ابساحت الشمّات مارف
معاصر والعصر فد علم مارف
عله اعلام العرب بل موزمیه
الشاعرمحمدمطرمقدم
حیاتک راحت اعیونی من الحای
علیک وشاهدی شیبی من الحای
اخبرک طیری الامگوطر من الحای
صفگ جنحه وشهگ مارد علیه
الشاعرمحمد مطرمقدم
جرحته الگلب یولیفی ولطریت
حین الی جبت ذکرک ولطریت
عسانی لانی حاچیهه ولطریت
احبک من گلت یتنی الاذیه
الشاعرهادی الامغیطی
ابنک لا تعلمه الشین علمه ادروس ماضینه
علمه الجود والعفه وهذیچ ادروبهه الزینه
وعلمه السیف ویه الحیف ماخوذه امناهالینه
والحگ لا ینسه ایموت اعله
الشاعرهادی الامغیطی
حکمتک لاکن ابدینی شدانی
حبل حبک طبگ یسمر شدانی
ادنی اعلیک اذب روحی شدانی
مثل ورده وذبت ما بین ادیه
الشاعرهادی الامغیطی
انتبهلی اشوی علیه الفکردیره
انه ابحبک سفینه ابغیر دیره
لا ریدن وطن لا رید دیره
شوگک دیرتی وعنوان لیه
الشاعرعبدالواحدحدادالبوغبیش
الیبل ببچای ذوبته ولنته
اوگلت مامس جسم غیرک ولنته
مامن خل وفه خله ولنته
وفیت ولا الک توفی البریه
الشاعرعبدالواحدحدادالبوغبیش
الی ابحبک یدعج العین شدّه
حبل لمواصلی ابتربیع شدّه
ملومن قیس شنهو الصنع شدّه
ولو هوه اشتظن ما لام بیه
الشاعرهادی الامغیطی
صبرو انطار من دهری یبعلیک
یگلبی ومو رخص تدری یبعلیک
لیش البل نگب ذبک یبعلیک
خصیمه وصاح بواگ الثنیه
الشاعرهادی الامغیطی
الدمع صیلم سلت بااول صطرهه
الابوذیه ابوجه کلمن صطرهه
الماَ سی الدنیه من ناخت صطرهه
الدهر یم عتبت اعیون الزچیه
الشاعرعلی قاسم البدوی
یولینی الزمن وادری شیولی
لان الحملی ما فزعو شیولی
سبب من یولی خلانی شیولی
یولی من نوّو لدفن بیه
الشاعرهادی الامغیطی
انه ابیت الشرف کابر ورابی
یولفی وبیک اجد دربی ورابی
اقسم قسم بجروحی ورابی
تظل انته النفس والروح لیه
الشاعرمجیدالبوغبیش
علیک الگلب کثّر ونه ونه
ویصیح ارجوک ظعنک ونه ونه
ابسهم حسنک صبتنی ونه ونه
هویتک وبتلیت ابهل قضیه
الشاعرمجید البوغبیش
حاربنی زمانی اشلون مامیل
ولو همی ابجبل حمرین مامیل
اذا همه علیه الخلگ مامیل
ولو انه وحید ابهل دنیه
الشاعرمطرشبوط مجدم
گلبی اببلم شوگی الک عبریته
وحبک عفاف ابلا دنس عبریته
کلمن یضدک یا محب عبریته
ویتاَذه عمره ویخلص ابموت احمّر
الشاعرهادی الامغیطی
چنت دوم ابصمودی مانسانی
وهسه احزان عندی مانسانی
النسیته وما ذکرته مانسانی
والذکرته ما ذکرنی وخان بیه
الشاعرهادی الامغیطی
ابحب ال النبی راضع وفاطم
وجزه الاحسان ماعوفه وفاطم
احسین انذبح یاشیعه وفاطم
صبح منهه الظلع مکسور هیه
الشاعررمضان ابواحمد عساکره
صوارم عبرت الزهره حزنهه
الروح وما اظن یحمل حزنهه
الحزن لن رتبت احزانی حزنهه
ادموعی ابصحرت الام الزچیه
الشاعرعلی قاسم بدوی
'جبل چنت انه اظننّک متنهار
یخلی و بلصبرحیلک متنهار
اعوفک هم تظن یمته متنهار
العمر لومن بهاک ایغیب ضیه
الشاعرهادی الامغیطی
نعلم اطفالنه امن الزغر دربل
صحیح ومن صدیق الغبر دربل
حسافات الدهر بلعکس دربل
اسود وگیّد اچفوف السخیه
الشاعرمحمدمطرمقدم
عله احباب المشو یعضای گلبی امن الحزن تلّم
ولوعه الی اسگمت بحشای هیه امن الالم تلّم
اعالج بل جروح ابگیت وعگبهم مااظن تلّم
وحدوین ابگه ابهای الحاله
الشاعرهاشم الامغیطی
****
علی مفتاح السعاده و روحه بّالله امشیمه
والجهل من طب له حیدر شال جهله و لملمه
ما رکع لذّله مرّه و ما یطخ بلملحمه
و الحومه ابحیدر تتباهه
'کثرت مکاره هل گلب لاحتّه
منک ولا گلبک رجف لاحتّه
باقی ابودادک یامحب لاحتّه
تدفنی بیدک لو تگص المنحر
الشاعرهادی الامغیطی
'مفرح چنت وابجلستی منسانی
والحین ظیم اصبح علی منسانی
الی نسیته ومنذکر منسانی
ولی ذکرته ماذکرنی وانکر
الشاعرهادی الامغیطی
'لا ما مشت روحی وخنت لاساریت
منک واظن یوم افرحت لاساریت
لا حب کتمت ولا بحت لاساریت
حبی اویه غیرک لو عشگت الاخر
الشاعرحسن مگطوفی
'گلبی اعله غیرک ما گرب لادنّیت
ولاروحی ودّت ای احد لادنّیت
لا دنیه تمنعنی ودهر لا دنّیت
باقی اعله حبی ولا تظن اتغیر
الشاعرحسن مگطوفی
'کثیره ادروب نمشیهه والحسین
ابطریق العدل کون ابقی والحسین
اقسم بالنبی وحیدر والحسین
مثل عابس صرت وجنون بیه
الشاعررمضان ابواحمدعساکره
بس یون سید الجوانح بس یحن
وانه شفت اخلاف عینک بس یحن
ماهدنّی الیال هجرک بس یحن
وغدن کل اعضای بیک امجرحات
الشاعرحسن مگطوفی
عافو الورده الجمالک ودّرا
یلی حبک نص شبابی ودّرا
لام بیه الما دراهه ودّرا
بالجمرشب لن سمع بلتضحیات
الشاعرهادی الامغیطی
من مثلی ابجفه اولیفه یردّا
وجرحه لوضحک دمعه یردّا
ارید امن الی رد یوسف یردّا
ومثل یعگوب ایصیراسروربیه
الشاعرهادی الامغیطی
اذکر ابایام زغری الهسه هیه ابخاطری اذکرافلوسی اجمعتهه امن المدرسه ابدفتری ورحت لسوگ ابطریقی ونیتی کردیه اشتری سوده ابثعبان امطرزیهه **** لن شفت المحل عاطل وظلّم ابعینی النهار جیت کل الدرب غاضب والگلب یجدح شرار اهناک ولاگانی حجی وگلی شنهویدی صار متالّم من من حاچینی **** گتله یاحجی الحقیقه عندی چانت امنیه چان بفلوسی هایه گصدی اخذ کردیه وهسه فشلان ارجعت ویای ماتوجدهیه البایع گافل دکانه **** گلی یایدی ارد انصحک منک اترجه السماع عوف ملبوس الکرادی حتی لو رخصاً تباع لا تبدّل حلیّت اهلک والله بوساخ الضباع المنهه العربی اتکش روحه
الشاعرهادی الامغیطی