دليلي البي احس وكزه ولمشاك
لا حچیك حچي الأول ولمشاك
اشنطاك الله و شلت خشمك عليه
هادي الامغيطي(البوغبيش)
نهكني وچنت اظنن دخل جنبه
گلت هاليوم خل ارتاح جنبه
بچه و ذكرني بديون العليه
هادي الامغيطي(البوغبيش)
فزعو عالحكم عافو بديني
قسم للنار أگودنهم بديني
گومي الكسرو اضلوع الزچیه
یضیغم سیفک المعلوم سلّاب
عجل و اتعنه جیب اویاک سلاّب
یبویه الخاصمک لحسین سلّاب
ضحک من شال راسه ابسمهریه
هلی ابحلمی یطارش مرکبلهم
مشو عنی و دلیلی مرکبلهم
صدگ؟ظهر الهزیله مرکب الهم
صبح و اذاهم اصیاط ال امیه
یالامصایب علی جرتن بطل چان
خذیتن وصله من عینی بطل چان
مثل عباس بالحومه بطل چان
فنا العدوان لو ما غاب ضیه
شخص المایحبک لاطم اعليك
نحس يارت مره لاطم اعليك
يبو السجاد و إلي لاطم اعليك
مكانه ابعيني و اتشرف بإبيه
انا ابگاع الخصم تسمع وحبلاي
احب احسين چی ودني وحبلاي
حبل حب البشر سامل وحبلاي
سميك امضبر ابفتله اعربيه
اشسده اعليها الزچیه اشصار شجره
صفت من بعد ابوها ابنوح شجره
الگال انا و علي من فرد شجره
احرگو بيته اعلى بنته الهاشميه
ابنارك شب عظم صدري وبوذر
مثل ميثم لسان الحگ وبوذر
نفس مقداد سلمانه وبوذر
اظل شيعي انا الحامي الحميه
علي ابحگه اشكثر ايات نصين
وتحت جدمه رواسي اجبال نصین
من خوفه الزلم تنجسم نصين
دخل ما عنده سیفه ابهالقضیه
علينه احنه علي! منهو؟ عليكم
تميل البيده لو نهجم عليكم
أقل من أسفل الحافر عليكم
يصير ابصيحة الشيعه الأبيه
دبت قوتنه تدري وحدي بيها
الارض واعداي اردن وحدي بيها
لون گاع الله اظلن وحدي بيها
شيعي و أوگف ابثار الزچیه
نخله امنالصبر و اردود نمله
ابعزم ذاك الي وسط الكون نمله
الیحب حیدر ولو گد راس نمله
اله مضمونه جنت الله الزهيه
علي ينضح محنه وطيب بلله
رفض نوم الحرير و راد بلله
قسم بالخالق الجبار بلله
علي امكمل عبوديت البريه
علي امركز شفرت السيف بلهم
و عدوانه البرك ماسار بلهم
علي خله ابن ود ايعيش بلهم
لحد ما ناوشه اصواب المنيه
علي طوه الضراع الگوم بلو
و لعد ارواحهم مرات بلو
علي یملک فقط بالبیت بلو
تمر مضموم لايتام البريه
علي ما رخص الايتام بلسم
ابغلوها وچان للچمات بلسم
قتل بس ماغدرها الكفر بلسم
ولا سيفه ابزهر بايت مسيه
شخصها ابكل حنين الروح لم ال
حسن واحسين وهاي اسنين لم ال
تحيه من لبيب احشاي لم ال
بنين الوگفت ابکان الزچیه
یمن وجهک لعد الناس جبله
و یمن معظم کلامك راد جبله
ثگل فرگاك چيل ابثگل (ج)بله
وثگل گاع الله گد یوم الغیاب
يمن للكادره إعلينه منارا
وصرت لاسلام ابوالقاسم منارا
انا الشخصك يبوصالح (م)نارا
قسم بزحوف اعج فوگ التراب
يمن الكل شخص مظلوم( ع)ينه
وعلي دربك تصد المحب عينه
اذا وياك غرنه اتشوف عينه
وتحل ابشيعتك شد الصعاب
هامنك سبب هالعشگ هامن
غیابك يالعليك اعقول هامن
قسم ما دنگ اعلى الظلم (ه)امن
ولا بينه الامل عمر الضباب
لرگاب الخصم ما يترك واسمنه
بيض اوجوهنه وطيبه واسمنه
شيعة حيدر الحامي واسمنه
شرف للبالهوه و فوگ الوطيه
الگلب بإحسين زايل كربه لا بل
ذنوبه و كره يشبه كر بلابل
لئن عباس بيها كربلا بل
عوالم حازت ارموز الخويه
باصفوف الخصم عباس لمحت
ويگل احسین الهم يخي لمحت
نصف الجيش طاح ابسبب لمحت
عيونه و نص الاخر لمح فيه
إمغيمه اسماي والمحنه مطرها
غريج و رادو ادروبك مطرها
اسئلو گالولي الكعبه ما طرها
گلت مولد علي حامي الحميه
الملك يوم الهبط عالگاع حيله
نفض طغيانها و مابگت حیله
کل شيعي يشد اليوم حيله
ولامام الباقر ايودي تحيه
ابیض ما يصير أسود دربنه
و قصرنه امطرز امنالله دربنه
تبعنه الحيدر و حيدر دربنه
اعلى طگت السيف والضربه القويه
هادي الامغيطي(البوغبيش)
وثلاث اسهام من بعدك لحني
قسم لو تجبل اعليه لحني
الك اهوازنه و گاعه الزهیه
ضعت مني دشيل ايدك وناعور
نويتك يالعفت گلبي وناعور
صرت وياك چن شاطي وناعور
شحيح و لا دلو الجابك عليه
شقايس روحي وي ولفي وناشب
راسي و ضيمي صاعدني وناشب
يطفيني الاخو ابلومه وناشب
دليلي ابحسبت الراح امناديه
ابدلیلي ظلت الهاليوم صحتك
يمن لحنك شعر للناس صحتك
حبيبي اشلونك انته اشلون صحتك
شنو امضيع درب لو جاي ليه
وصل مبعوثك امنابعيد ودنه
گربني و مات حچي البيه ودنه
الله اعلى شبشنه وشبش ودنه
وشبش بینه السلف واگطعت بیه
خذيت اعيوني متگلي بشاره
يمن خصمك خصم ليه بشاره
منك عود يمته اسمع بشاره
واحني اچفوف كل مجبل عليه
إكل مر الصبر يا خي ولغفه
طريق الشوگ بی خیبه ولغفه
صار اسنين ماسلهم ولغفه
و اگولن خاف مو راضي عليه
ردت الفي وانا ابجرحين شلفاك
و الوي امنالالم من حيث شلفاك
امس طيب چنت هالیوم شلفاك
بخيل ابشوفتك صاير عليه
الوشي يخبط حبيبي واناصفي
ابجمرته اوساط گلبي واناصفي
ابصفوف اثنين صرنه واناصفي
بعيد و ما تلوحه الإيد ليه
هادي الامغيطي(البوغبيش)
هوه من اولاد حيدر و الابو بيه اعتمد
لو گلتله الماي اريده اينزل اعليهم شدد
يضربهم واحد بالثاني
ناوش السيف العضيده احسين وهلا بالهله
گله ياعباس يومك هاذه والموقف حله
گوم يزماطي ويميني خل تعرفك كربله
واتشوفك موت اعلى اعدانه
موفقط بالسيف شاطر شاطر ابكل الفنون
هاذه عباس المعلم هاذه من اليعلمون
لمن انگطعت زنوده و جا إله ريب المنون
ما خله احسين اهوه ابحيره
افترت الگاع ابزلمها وهدمه صارت بالفرات
والشمس اكدر ضواها من عجاج الغايرات
كلها تسأل شنهو صاير لن نزل ملك الممات
وعباس ارواح ایودیله
افترت الگاع ابزلمها وبيها صارت زلزله
مادرو شنهو الي صاير وين توجد مشكله
ومن دخل عباس بيهم منهم الصوت اعتله
وابن امه الماظل جدامه
هادي الامغيطي(البوغبيش)
و يگلولي النهاشه واناكلها
نطو ذرة حصصهم واناكلها
اطلعت مطلوب والمنه عليه
دون نيران بافادي وضرمن
ولا ادري ابلهاي أصبح وضرمن
انا املوع منو ابعمري وضرمن
لحتى ابهالذنب يقتص عليه
منو اعليه گبل لاموت يادين
بيه اجروح کثره وبگن يادين
الطمن عالوجه والراس يادين
الوکت ما خله صاحب بي تچیه
دوايش صابن اعيوني وعامين
ويشيل ادموع الابچیهن وعامين
گلت عام اصبر اعليهم وعامين
عگد مر و اهما ما مرو عليه
هادي الامغيطي(البوغبيش)
اظغط على الرابط ونشره
https://telegram.me/aBuziat