لوردت تحصل صحیب اتخیّره ابعگلک خیار
مو شرط عینک تشوف ویطلع ابنفس العیار
الصحبه قسمه امنالحیات اتصیرعمران ودمار
والیسهه إلهه اتهدم بیته
الشاعرهادی الامغیطی
الحسن فوگ المعالی ما إله غیر الفخر
ومن کثر جود الّی یملک جده من عنده البحر
شافو الأیمال طلعن بامره من لب الصخر
وعد حاتم لا ماشافوهه
الشاعرهادی الامغیطی
کلکلت تفگت عزمنه وشفت اخوتی اتحزمت
کلمن اسلاحه ابیمینه وصوب خصمی اتقدمت
گتله هاذه الموت یحله لون بل حگ الزمت
تفگت عدوانی صابونی
الشاعرهشام العدگی
ارسمت امن العشگ صحرا طویله اتضیّع العاشگ
جفن العین طر بلگاع من جف الدمع طارگ
وانه الضایع مثل مجنون ابسراب الحب اظل شابگ
لا اغفل واتضیعه اعیونی
الشاعرسیدحسین البوشوکه
اشمحله لوصفت اهلنه وابگلب واحد تسیر
عیب انچان ذلت لو مشت عکس المسیر
الوَحده سیف اتصیرعدنه اتحارب الوکت العسیر
والهم اتشلعه امن ابکانه
اذا لا سامح الله ابیوم ردت انه افترگ منک
حتماً تسال اتگلی راید لیش اعوفنک
تسال حیله یا خلی خاطر لا احکمنّک
وانه المحکوم اتخلینی
انه لک سیف الحمیه ابشان ردمات الزلم
وجرّب انته السیف بیدک شوفه بلطگ ینثلم
خلنی ابساحه الحریبه لویحل وکت الردم
خاطر اشگفلک بذراعی
الشاعرمحمدعساکره
عله احباب المشو یعضای گلبی امن الحزن تلّم
ولوعه الی اسگمت بحشای هیه امن الالم تلّم
اعالج بل جروح ابگیت وعگبهم مااظن تلّم
وحدوین ابگه ابهای الحاله
الشاعرهاشم الامغیطی
****
علی مفتاح السعاده و روحه بّالله امشیمه
والجهل من طب له حیدر شال جهله و لملمه
ما رکع لذّله مرّه و ما یطخ بلملحمه
و الحومه ابحیدر تتباهه
اذکر ابایام زغری الهسه هیه ابخاطری اذکرافلوسی اجمعتهه امن المدرسه ابدفتری ورحت لسوگ ابطریقی ونیتی کردیه اشتری سوده ابثعبان امطرزیهه **** لن شفت المحل عاطل وظلّم ابعینی النهار جیت کل الدرب غاضب والگلب یجدح شرار اهناک ولاگانی حجی وگلی شنهویدی صار متالّم من من حاچینی **** گتله یاحجی الحقیقه عندی چانت امنیه چان بفلوسی هایه گصدی اخذ کردیه وهسه فشلان ارجعت ویای ماتوجدهیه البایع گافل دکانه **** گلی یایدی ارد انصحک منک اترجه السماع عوف ملبوس الکرادی حتی لو رخصاً تباع لا تبدّل حلیّت اهلک والله بوساخ الضباع المنهه العربی اتکش روحه
الشاعرهادی الامغیطی
طاحت الروح ابالمها وماج بنیان الفرح
والگلب ما ذم اخوته اشما ابخنجرها انجرح
چلمت العگّال هایه الخسر عمره وما ربح
کلمن عالخوه ایسل سیفه
***
الیکع لو صارت موازم لا تعده امن الربع
ربعک التوگف تچیه وبلکلایف ما تکع
التعرف احگوگ الاخوه اعله الکواکب ترتفع
والکون ایظل یتمناها
الشاعرمله اغلام ابوامحمدالبوغبیش
اجت زینب لخوه الحید وتگله یاگمر هاشم
بنی میه اوصلت حدنه ونته اعله النهرنایم
ارکض جیتک ابلا روح ومن عندی الفکرهایم
وتعثرجیتک تحمینی
الشاعرهاشم ابوکرارالامغیطی
هدن اعیون القوافی ونزفن ادموم وبچن
لان حدنخوای خاوی وسهون اعلیه انتچن
من نویت ابذم اخوتی سبگن الفاظی وحچن
اخوه الخوه اعتز بیهه
الشاعرسیدعبدالخالق الحسنی
نعم حق الابو ماکول و ما ننکر ضخن فیه
چم واحد کشخله ابقاط وبوه ابغیر چفیه
اذکرک هم یجیلک یوم ایذبک ظهر العبیه
وتصیح الولدک تچیلی
الشاعرسرتیب الباوی
الابو گالو عمود البیت او بعد فوگ العمد خیمه
او ماطول الابو موجود الوکت ماینهیس ضیمه
شیله اعلل متن لو طاح ابصریفه او اگعد ابهیمه
وهناک الجنه العب بیهه
الشاعرسرتیب الباوی
تفگه ال تنذخر للضیج فرق من تفگة الگانوص
بیهه اتشد فدان الخیل او بیهه اعلی الرصاص اتدوس
ضحک فم الچذب للناس اوصبح فم الصدگ مخلوس
والباطل عالحگ شال ایده
الشاعرسرتیب الباوی
اگعد ابفی المجالس او لل درب رافج ولف
او یاور ال بیهم حمیّه ابفی ضراهم تنعرف
خاطر امن تشیل باچر یارک اتسومه ابالف
ولیار الخیر یشرونه
الشاعرسرتیب الباوی
اگعد ابفی المجالس او منهن اتعلم درس
وطوی ابشوت الکرامه او حوکهه ابعزت نفس
تدری الزلم بل دیوان تطعم ابحچي السلس
لو ماکو السکته اعتز بیه
الشاعرسرتیب الباوی
عیدت بلماو گومی وهلهلت خیل النضال
وشدت احزام الاخوه وداست اعله انف الرجال
های من سابج خذوهه الوحده ترفع للثقال
ولکلفه الساعد یطویهه
الشاعرمله اغلام ابوامحمدالبوغبیش
اذاهدت علی عدوان وسلت بلمعاره اسیوف
اظل بیک انه اشداحزام لوکثرت علیه اصفوف
سیفی انته وهدن بیک وبیوم الملحمه معروف
اطبرماهابن لوهدیت
الشاعرمجیدالبوغبیش
عجیبه اشلون صارت دنیه مفتره ابعکس
یعله بیهه الماله جرعه ولشهم یرکس رکس
غیرمن فگره الغظنفرتالی یصبح منعلس
وبحلگ الواوی ایشوفونه
الشاعرهادی الامغیطی
ساسک اقوی من کل ساس وعزه وشرف بنیانک
وعرفک بلضنک جیدوم ونته احزام خوانک
هیبه ومجدک المعمورعربی وفخر عنوانک
من حیث الذل ماحبیته
الشاعرهادی الامغیطی
هلی یازین الخلایق هلی تربایت فخر
هلی کل الناس نخله الشیخ صارلهم مطر
هلی بهیم غیره دایم لیل موداسو خطر
ولخارم بالک تدنانه
الشاعرعلی ابوسجادالبوصبیح
قررت انهی حیاتی وبعدماعیشن ابد
لَان ظلم الشفته صدگ مااظن شافه احد
وادری ماواحدیشیله وحته لوگت للاسد
یصبح چن ظبیه الحاچیته
الشاعرعلی ابوسجادالبوصبیح
موکلمن لبسلک زین ظنک مرتفع شانه
ولاهوه چریم الگوم ذاک الملطخ اردانه
عمی الساس هل مطموم لاکن شوف بنیانه
یاریح الهزه امن ابکانه
الشاعرهادی الامغیطی