الشاعرهادی الامغیطی(البوغبیش)ابوذیه/ولوظل

اشیلن هل حرت یمک ولوظل

مبعد واکتفی ابحزنی ولوظل

جفاک الی جرح گلبی ولوظل

الک  مرنی  لچان اقنعت حیه

الشاعرهادی الامغیطی

الشاعرهادی الامغیطی(البوغبیش)ابوذیه/کفن ما

دموعی الصبّن اتگلی کفن ما

کفّن شوفی بسماکف  کفن ما

وصّیت  الهلی ابموتی کفن ما

ارید  واکتفی    ابثوبک   علیه

الشاعرهادی الامغیطی

الشاعرهادی الامغیطی(البوغبیش)ابوذیه/تردّا

سلامی  یل   چنت  دایم   تردّا

وجرحی  لو   نزف  بیدک  تردّا

امّلنی     ابوعد     واحد    تردا

اخذ گوتی وصفت بس روح بیه

الشاعرهادی الامغیطی

الشاعرهادی الامغیطی(البوغبیش)ابوذیه/وشنّا

علینه  الدهر  حرب  اعلن  وشنا

ودمعنه امن البچی صدگ وشنّا

اعله مودک هم رفعنه الهم وشنّا

وصفینه  ابحبک   انتانی  المنیه

الشاعرهادی الامغیطی

الشاعرحسن ابوعلاء المگطوفی/ابوذیه/لأنه

دلیلی  اعلیک  کل   لیله  لأنه

عله  افراگک  ونه الماهم  لأنه

احبک  والعشگ  تدری  لأنه

احسه اویاک بی طعم الخویه

الشاعرحسن المگطوفی

الشاعراحمدالبوصبیح ال طحمه/هات/هملّی

مره صافن  مره اسولف  همّلی

وکاس صبری امنالمصایب همّلی

حرت هم  محبوبی  تنعد  همّلی

ولو تدیر الوجه ننساهه  الحیات

الشاعراحمدالبوصبیح

الشاعرمجیدالبوغبیش/هات/بسمّه

چنی طیر وطرت هایج  بسمّه

حین شفت الولف وندب بسمّه

التفتلی    وثغره    لیه    بسمّه

گمت انظم بیت میمر بیت هات

الشاعرمجیدالبوغبیش

الشاعرمحمدمطرمقدم/ابوذیه/بعدوین

شبابی الراح  احصلنّه  بعدوین

ویگلبی ابحسرت افراگه بعدوین

یطارش ظعن اهالینه    بعدوین

دعود    وجیب   ریحتهم    علیه

الشاعرمحمدمطرمقدم

الشاعرهشام العدگی/ابوذیه/ولفّک

لونّک جرح  ما رهمک  ولفّک

وضمک  وسط  دلالی  ولفّک

لعیونک سهرت اعیونی ولفّک

نشفت   شفتی  ویبست  علیه

الشاعرهشام العدگی

الشاعرهادی الامغیطی(البوغبیش)ابوذیه/شرّت

فوگی الدنیه کود اهموم شرّت

وبشرهه الفجع هل روح شرّت

عگب ما مرمرتنی النوب شرّت

حبیبی  ولن طبگ صارو  علیه

الشاعرهادی الامغیطی

الشاعرهادی الامغیطی(البوغبیش)ابوذیه/شیبات

شی من اهمومی شتل شیبات

وشی من ابتلائی رحل شیبات

ما   أنلام   اذا بل راس شیبات

الگلب  غافی  ویحب  ابلا وعیه

الشاعرهادی الامغیطی

الشاعرهادی الامغیطی(البوغبیش)ابوذیه/ولخلا

العدو جای  الهدم بیتی ولخلا

ورفض کلمن وگف سده ولخلا

عدوی  چن رحم حالی  ولخلا

یگله  ساوی  بیته  اویل  وطیه

الشاعرهادی الامغیطی

الشاعرهادی الامغیطی(البوغبیش)ابوذیه/گلبهم

الزلم یبگه  گلب  واحد گلبهم

ولا مره الردی ابمکره  گلبهم

علل صعبات صاحبهم گلبهم

حمول   الثگلّت  متن   الوطیه

الشاعرهادی الامغیطی

الشاعرهادی الامغیطی(البوغبیش)ابوذیه/یگدلا

الکرم تدری شهم راید یگدلا

وچبیر  الگوم  لا چفّه  یگدلا

تظن  ثوب الزلم  للذَل  یگدلا

یظل هادل عله امتونه الرخیه

الشاعرهادی الامغیطی

الشاعرهادی الامغیطی(البوغبیش)هوسه

اشمحله  لوصفت   اهلنه  وابگلب  واحد  تسیر

 عیب   انچان   ذلت   لو  مشت   عکس   المسیر

الوَحده سیف اتصیرعدنه اتحارب الوکت العسیر

 والهم اتشلعه امن ابکانه

الشاعرهادی الامغیطی

الشاعرهادی الامغیطی(البوغبیش)هات/بسمّه

ذاب گلبی  ابیوم  ثغره  بسمّه

وصبح منی عگلی طایر بسمّه

الّزم خده ابحیت ایبوسه بسمه

وده   عنه  یعزل   الیوم  الممات

الشاعرهادی الامغیطی

الشاعرهادی الامغیطی(البوغبیش)/ابوذیه/لاظن

لواظی ابچل هجیر الیل لاظن

دلیلی  ولا صنوهه الموت لاظن

أهن  وارتاح خلفک  عود لاظن

اظل  شاجی  لمااتمرنی  المنیه

الشاعرهادی الامغیطی

الشاعرهادی الامغیطی(البوغبیش)هات/وانه لا

ابونی کل طیر الی طایر وانه لا

ولو  تگلی  مرنی  واحد  وانه لا

انسه  انته حتی روحک  وانه لا

لن تعبت اعلیک گد أُمک  وحات

الشاعرهادی الامغیطی

الشاعرهادی الامغیطی(البوغبیش)ابوذیه/وحیه

سگانی ولفی سم عگرب وحیه

ونسه  المسهر چنت لیلی وحیه

عگب  ذنّی ابوهم عایش  وحیه

واقل   ریح  الیمر  یغلب   علیه

الشاعرهادی الامغیطی

الشاعرهادی الامغیطی(البوغبیش)ابوذیه/بسکلا

الگلب صارن حزن وی هم بسکّلا

ولی جسمی لظه  افراگک  بسکّلا

صرت   مجنون   یاناهی  بسکّلا

تدعنی    انه   وی   همی   سویه

الشاعرهادی الامغیطی

الشاعرمحمدناحی زاده/ابوذیه/تراحیل

یقاسی اجفاک هدملی تراحیل

ونحیل اصبحت بغیابک تراحیل

یولفی ارجوک ترجعلی تراحیل

الک   گلبی   یون   ونه   شجیه

الشاعرمحمدناحی زاده

الشاعرهشام العدگی/ابوذیه/کلومی

اللامو  ما   اظن  لامو   کلومی

عله الدارس وأدرس بی کلومی

اذا  یعرف  لمن  یحرف  کلومی

وذا  یفهم  علیش  ایصیر  اذیه

الشاعرهشام العدگی

الشاعرمحمدمطرمقدم/ابوذیه/ویابل

یا ظهر الیحمل اهمومی ویابل

ویا  گلب  البگه  ابراحه  ویابل

الدهر   لم لم علی جیشه ویابل

هظم  والهم  زرعهن  عاد بیه

الشاعرمحمدمطرمقدم

الشاعرحسن ابوعلاءالمگطوفی/ومضه

منع  صاع  اشعیر  حیدر  من عقیل

وگله اخشه الباری ساعات الحساب

الله  هم  من  هل  جهه  ارفع  عذاب

لچن صعبه ابسیف مسلم هل عذاب

الشاعرحسن المگطوفی

الشاعراحمد البوصبیح(ال طحمه)ابوذیه/وجدهه

وحگ من  صوّر الدنیه وجدهه

وحگ حیدر واسم زینب وجدهه

الجنه لو ردت  تحصل  وجدهه

ابرضات   النبی  واله  الحمیه

الشاعراحمدالبوصبیح

الشاعرامین ابورقیه ناحی زاده/ومضه

شربت المای  بعدک  ماروانی

لئن شوفتک مای وانه عطشان

ویوم  الما  اشوفک  بی  اموتن

وظل  اعله  الترب وبلایه  دفان

الشاعرامین ناحی زاده

الشاعرمحمدناحی زاده/ومضه

شیعت الکرار احنه ابهل نداء

بس ولی الله عدنه اهوه الامیر

فرض  لو  ربک الغیره  نصبه

من  طریق  الله غیرنه  المسیر

الشاعرمحمدناحی زاده

الشاعرسیدجبارالجبیلی/ابوذیات/طفولچ /وویه

اطفی الشام لوشمعه طفولچ

یزینب   اله   اعیدنه   طفولچ

شنهو الشام ویه اهله طفولچ

الرفع شانه ابدفنهم چن رقیه

******

اشب   الشام   هل   مره  وویه

ابغضب   والیث   مترده   وویه

اهد  والنوب   مو وحدی   وویه

احسین و والدی حامی الحمیه

الشاعرسیدجبارالجبیلی

الشاعرقادرابامجدالمگطوفی/صفنه

علی ابّیت الله صار والله شگله البیت

شفت  واحد یشگ البیت  لل  خطار

الشاعرقادرالمگطوفی

الشاعرحسن ابوعلاءالمگطوفی/ابوذیه/منحمد

علی انحمده وابد غیره منحمد

وعلی بحر الکرم صدگ منحمد

علی نفس النبی طاهه منحمد

وعلی سید السمه وسید البریه

الشاعرحسن المگطوفی

الشاعرهادی الامغیطی(البوغبیش)صفنه

اجبرت گلبی یعوفک لاکن اشلون

مثل أم و ولدهه ابحلگ  الاسباع

الشاعرهادی الامغیطی

الشاعرهادی الامغیطی(البوغبیش)ابوذیه/هوتلا

اکتاب العشگ بی گلبی هوتلا

وغیرک لا تظن  روحی  هوتلا

مثل  حبی   الک  یاهو  هوتلا

دگلی  وخل  یصیرالإسوه  لیه

الشاعرهادی الامغیطی

الشاعرهادی الامغیطی(البوغبیش)ابوذیه/خل نسألا

اشکثر گلبی اللّهه وخل نسألا

المحبه وغدر صارت خل نسألا

علی  الیل   شاهد  خل نسألا

اذا  نمته   یگلک  شل  قضیه

الشاعرهادی الامغیطی

الشاعرهادی الامغیطی(البوغبیش)ابوذیه/ولف سر

الف  آه   اکتمت  بیه  ولف سر

والف خل الرحل عنی ولف سر

اترکت شعر الیکتبونه ولف سر

اعله مودک یل فتکت ابساع بیه

الشاعرهادی الامغیطی

الشاعرهادی الامغیطی(البوغبیش)ابوذیه/مالفیته

نزف جرحی ابغرامک مالفیته

ویا وادی العلی یعتب  مالفیته

یابیت   العتب   لجلک  مالفیته

وکتبت   ابمطلعه   حبک  اذیه

الشاعرهادی الامغیطی

الشاعرهادی الامغیطی(البوغبیش)ابوذیه/لکن لا

عسی ابگلبی یخل ریته لکن لا

گلب واهمومک الغیری  لکن لا

لعبت   اعلیه  مو  مره  لکن لا

ولا  همیت  اگول   اتصیر لیه

الشاعرهادی الامغیطی

الشاعرهادی الامغیطی(البوغبیش)ابوذیه/بسکف

ارید انسه یخل ذکراک بسکف

وتسطرنی قدت لشواگ بسکف

لتظن البچی  لل شوف  بسکف

خذه  عگلی  ودلیلی  وکل  میبه

الشاعرهادی الامغیطی

الشاعرهادی الامغیطی(البوغبیش)ابوذیه/ونته

اعوفک   لا  معاذ  الله  ونته

شبه قیس الگلب تزداد ونته

احن اعلیک شبه النوگ ونته

تحن  لل غیر  واتحمل  أذیه

الشاعرهادی الامغیطی

الشاعرهادی الامغیطی(البوغبیش)ابوذیه/دونّی

احشم  روحی   اگللهه  دونّی

تون  من  حیث  نیرانک  دونّی

طحت   لاکنما  اعیونک  دونّی

وارتبک حتی الطبیب وحاربیه

الشاعرهادی الامغیطی

الشاعرهادی الامغیطی(البوغبیش)ابوذیه/والعین

عشگنه  موعشگ   بلسان  والعین

ابهواک احنه یحامی الجاروالعین

ما  نطلب قصر  لو   حور  والعین

ابجوارک     نرهم   الجنه   سویه

الشاعرهادی الامغیطی

الشاعرهادی الامغیطی(البوغبیش)ابوذیه/بی علیهه

علی سیفه التساقط بی علیهه

وفقط هوه الکلایف  بی علیهه

کل خلقه اویه  حیدر بی علیهه

فریضه ودونهه اخلود ابسریه

الشاعرهادی الامغیطی

الشاعرهادی الامغیطی(البوغبیش)ابوذیه/بلاما

جرح  بیه   ولا ارهم  بلاما

وعلی اللام ینصحنی بلاما

رحت عنی صباح الله بلاما

توادعنی  وتلم روحک  علیه

الشاعرهادی الامغیطی

الشاعرهادی الامغیطی(البوغبیش)ابوذیه/بگادو

لهب مهفت الک  گلبی  بگادو

طوال اسنین وظعن الهّم بگادو

اجی یم  محکمت حبک  بگادو

محرر   مرتفع   هل  راس  لیه

الشاعرهادی الامغیطی

الشاعرهادی الامغیطی(البوغبیش)ابوذیه/من کلاهن

اثگلن احمولی بل هم  من کلاهن

ومثل حسراتی بل حب من کلاهن

شفت حدهه المصایب  من کلاهن

فرگتک     والمحبه   احتوف   لیه

الشاعرهادی الامغیطی

الشاعرهادی الامغیطی(البوغبیش)ابوذیه/میت طر

مو  طر القده  ابگلبی  میت طر 

وحتی ابحگی الضایع میت طر

ابحین  السافرت عنی میت طر

خدی  ابکل   مساء  ایمر  علیه

الشاعرهادی الامغیطی

الشاعرهادی الامغیطی(البوغبیش)هات/بسّلا

یل ودادک ثوب گلبی بسّلا

اکتفیت ابمر محبتک بسّلا

حاولت من خدک أخذ بسّلا

حرمت حتی علیه الماضیات

الشاعرهادی الامغیطی

الشاعرمحمدمطرمقدم/ابوذیه/مویا

بحرالشوگ بی  لاتطب  مویا

تصطرک بس تنول الهظم مویا

چن اگضیت عمری اعتقد مویا

یصد لل غیر  بس ما یصد  لیه

الشاعرمحمدمطرمجدم

الشاعرقادرابوامجدالمگطوفی/عتاب/لواهم

هلی   الما یوجد   ابحدهم   لواهم

ولا   چف   الدهر    مره    لواهم

هلی ابسوح الحرب شامخ لواهم

یرف غیره وشهامه ابوکت الحراب

الشاعرقادرالمگطوفی

الشاعرحسن ابوعلاءالمگطوفی/ابوذیه/شدیت

ورد لل غیر وانه اهموم شدیت

الی ومنی العیون ادموم شدیت

الک عمری  فدیته وراح شدیت

الی انته  الچنت  تدعی  الخویه

الشاعرحسن المگطوفی

الشاعر المبدع السید عبدالخالق الحسني/قصیده

عنوان القصیدة(حسبه وسؤال )

من امس خضّر ملح بجروح عینی وکف بصرها

الواگفه ابراس العمر تنتظر جیتک وانتهت ورگة عمرها

یا آمل خایب من اسنین البواچی ، بیک آخر حسبه چانت عود یمعوّد تمرها

وزین تعرف ما تمرها

یاللّی شیّعتک گبل تابوت میّت ، وچم لحد طبعک القاسی ابوادی اظلوعی حفرها

انته مقبرتک عکس کل المقابر بیها بس گبر الخیانه 

وکفر ملک الموت بیها وحتّی منکر ما یمرها

وانتهی تذکار حبک ،گبل مدّه ، وبین روحی بطل نوحی وصارت اصحابی اجروحی وبعد متعاند صبرها 

خل اذب اثیاب حزنی وخل اطم موگد محبّه الهافت ابگلبی جمرها

الله لا ینطیک یالتکذب علیّه علّمتنی اعله الچذب ما چنت اچذّب معصیت ذنبی اشکبرها

وچنت اگولن انتهی تذکار حبّک ، وبین روحی الگیتلک عندی جرح

بس ما لگیتک ، بیّه فز الیل خایف، خاف لمن دوّریتک ، وما لگیتک

اتلمّسیت امکان جرحک ، وگمت اگص أثر الخناجر 

السوّن ابگلبی شوارع وچنت أستاهد مکانک چان بگلیبی گبل جرحین بیتک

واتذکّریت ایّام حبّی والخیانه ،اتذکّریت أیّام شوگی والخیانه 

و لا علی بخت العشگ واتذکّریتک

الله لا ینطیک یالتکذب علیّه علّمتنی اعله الچذب ما چنت اچذّب 

چنت اگلّلک نسیتک، و ما نسیتک

عود یمعوّد علیّه فدوه لک شوگی وحنینی 

عود یمعوّد علیّه فدوه لک عمری وسنینی

عود، مو راح آنه اعودن چلمتی الما فارگتنی من اگلّک ها تجینی . ما تجینی؟

عود مو من گبل مدّه من ذکرتک، من امس خضّر ملح بجروح عینی 

  

الشاعر المبدع السید عبدالخالق الحسني