اقرأ البیت من اول إلی الأخر فیکون میمر
واذا قرأته من أخر إلی الأول یصبح ابوذیه
بشرط التلفّظ
فیه و ذلاله المصطفی بس انته
هوه انته عگبه اتمرمرت بس انته
هوه انته جرحه الطیّبت بس انته
هوه انته و انفاسه النبی فی حیدر
الشاعرهادی الامغیطی
یا مهجتی و یا منیتی ینتلّی
کل ساعه همک بلگلب ینتلّی
عگلی ابجفاک وکل عگل ینتلّی
وموقیس الف قیس ابهواک اتأثر
الشاعرهادی الامغیطی
یاگلبی أحبابک شفت شخلو بیک
غربیل خلوک ودمع شخلو بیک
ای انته گوت و مقدرت شخلوبیک
یم بابک التمّو شبه دود أحمّر
الشاعرهادی الامغیطی
یا گلبی أحبابک بعد شل منهم
اسنین اجرحوک وماشفت شل منهم
اتمنیتهه اسهام الغدر شل منهم
ابدال ما خلّوک بلهم تعثر
الشاعرهادی الامغیطی
کلوکت أود المن زغر ودونی
لاما أود العل جمر ودونی
اترک صداقت کل غبر ودونی
لو وحدی اظلن لو اعاشر هزبر
الشاعرهشام العدگی
گلبی اببلم شوگی الک عبریته
وحبک عفاف ابلا دنس عبریته
کلمن یضدک یا محب عبریته
ویتاَذه عمره ویخلص ابموت احمّر
الشاعرهادی الامغیطی
'کثرت مکاره هل گلب لاحتّه
منک ولا گلبک رجف لاحتّه
باقی ابودادک یامحب لاحتّه
تدفنی بیدک لو تگص المنحر
الشاعرهادی الامغیطی
'مفرح چنت وابجلستی منسانی
والحین ظیم اصبح علی منسانی
الی نسیته ومنذکر منسانی
ولی ذکرته ماذکرنی وانکر
الشاعرهادی الامغیطی
'لا ما مشت روحی وخنت لاساریت
منک واظن یوم افرحت لاساریت
لا حب کتمت ولا بحت لاساریت
حبی اویه غیرک لو عشگت الاخر
الشاعرحسن مگطوفی
'گلبی اعله غیرک ما گرب لادنّیت
ولاروحی ودّت ای احد لادنّیت
لا دنیه تمنعنی ودهر لا دنّیت
باقی اعله حبی ولا تظن اتغیر
الشاعرحسن مگطوفی
یابو النخیله اعله المتن مردنّه
وحشای من مرالدهر مردنّه
شخص الّذی ابذاته طمع مردنّه
چه بی طبع من الشریر اتحذر
الشاعرهاشم ابوکرارالامغیطی